My 20th year on earth

哈...xanga...

由以前既一日一次, 到幾日一次, 再到幾個禮拜一次, 跟住到幾個月一次, 黎到依家既一年一次, 我變左喇...定係我只不過做返自己, 做返o個個好似樣樣野都3分鐘熱度既自己, 我真係唔知。

20歲喇, 同每年既生日一樣, 好多人會同我講生日快樂, 好多人會同我講好多既祝福, 好多人會同我慶祝...但係每次既生日, 心入面都會有一種空虛既感覺, 係因為對自己又離老死近左一步而感觸?定係我天生係一個比較灰既人? 我真係唔知。

我19歲許既願望並無實現, 雖然19歲既我做左好多野, 做左好多我鍾意既野, 歌唱比賽, vshow, hon, 選comm搞events, 好多好多, 但究竟呢d野, 係唔係真係我應該做架呢? 我犧牲左讀書既時間去做既呢d野, 嚴格黎講唔係犧牲, 係放棄左讀書, 到我30歲既時候, 又會覺得值唔值呢? 我真係唔知。

我仲搵緊你, 你嚮邊? 我好驚搵你唔到, 到時我會點? 我真係唔知。

係唔係就係因為呢d唔知, 令到我成日都活o係陰影之下? 又一個唔知。

goodbye 19th, here I come 20th

thx to faustus today, 搵到一個形容我既生活既詞: 糜爛...

發覺原來真係好貼切...

surplus...or not?

2008年...goodbye 2k7

第一個大學既學期就咁就過左喇...當然啦...好多野發生左，有從何說起既感覺。好慶幸識到一班好朋友，雖然自己讀書方面真係乏善足陳，不過呢個學期都過得好充實，多得clubbin同pek-k~哈...

不過呢個term同之前唔同既地方，除左係新環境同新身份之外，仲多左樣野...就係我灰既時間破左紀錄...正確d黎講，我呢個term多部份時間都係嚮灰既心情下度過。到依家呢一刻做左18年人，都真係無試過灰成咁。至於點解咁灰，好簡單o者其實...

這麼近那麼遠，定係由一開始已經好遠，而且愈黎愈遠?以為近，但每次都似又遠左，已經跟唔上....

收拾心情中...

HEA左可能係呢一生之中最後一個可以比我HEA既假期，雖然無乜野做過，但係話到明HEA嗯嘛，無所謂啦~我可以好理直氣壯咁講: I ENJOYED IT VERY MUCH~~

跟一眾兄弟既感情更加深厚左;買到自己想買既野;唱左好多好多次K...一個字: BRILLIANT~!!!

是時候收手了...

愈黎愈覺得自己係一個不孝子...甚至係敗家子...

好多時候都想對父母好D...由其是係每次返黎香港之前，都會同自己講，要對父母好D...但係一返到黎，就會漸漸將呢D野拋諸腦後，取而待之係厭佢地煩，厭佢地囉唆，就會好唔耐煩咁同佢地講野，用D差到不得了既態度去對佢地。每次事後諗返，都會覺得自己真係好不孝，但係當我自己想改既時候，下次又會有同一樣既情況出現...其實係唔係O者係我自己跟本唔想改呢?

棄我去者，今日之日不可留

亂我心者，今日之日多煩憂